17.10.2022

Група па кантролі за недапушчэннем росту цэн праводзіць штодзённы маніторынг гандлёвых аб'ектаў раёна

У адпаведнасці з Дырэктывай Прэзідэнта Рэспублікі Беларусь з 6 кастрычніка 2022 года ўведзена забарона на павышэнне прымяняемых на 5 кастрычніка бягучага года цэн на рэалізуемыя на тэрыторыі рэспублікі тавары (работы, паслугі).

Па ўсіх выяўленых фактах неабгрунтаванага павышэння цэн на любыя тавары будзе дадзена прававая ацэнка. Нагадваем, што з 7 кастрычніка ў раёне штодня працуе «гарачая тэлефонная лінія» па пытаннях цэнавай сітуацыі. З 8 да 20 гадзін патэлефанаваць можна па тэлефоне: 6-13-48.

Распараджэннем старшыні райвыканкама ад 7 кастрычніка 2022 года № 10 «Аб недапушчэнні росту цэн» створана працоўная група па кантролі за недапушчэннем росту цэн і безумоўным насычэннем унутранага рынку таварамі і паслугамі ў складзе 20 чалавек, якія праводзяць штодзённы маніторынг гандлёвых аб'ектаў.

У адпаведнасці з рашэннем Камітэта дзяржаўнага кантролю Віцебскай вобласці ад 11 ліпеня 2022 года № 73 і раней праводзіліся маніторынгі ў дачыненні да суб'ектаў гаспадарання раёна па пытаннях захавання заканадаўства аб гандлі, санітарна-эпідэміялагічных норм і правілаў, своечасовага задавальнення спажывецкага попыту і забеспячэння насельніцтва шырокім асартыментам айчыннай прадукцыі, а таксама вывучэння цэн на спажывецкім рынку.

У мэтах праверкі выканання даручэння Прэзідэнта Рэспублікі Беларусь і пастановы Савета Міністраў № 669 ад 6 кастрычніка «Аб часовых мерах па стабілізацыі цэн» намеснік пракурора раёна Аляксандр Свяцкі сумесна з галоўным спецыялістам аддзела эканомікі райвыканкама Валянцінай Чарняўскай наведалі крамы «Дамавік» і «Мясная крама», дзе ажыццявілі маніторынг цэн. Неабходна адзначыць, што завышэння цэн у дадзеных крамах не выяўлена.

Алена АНАНІЧ.