10.07.2020

Дзяржаўтаінспектарамі раёна праводзяцца рэйдавыя мерапрыемствы

У перыяд з 10 па 14 ліпеня 2020 года на тэрыторыі раёна супрацоўнікамі аддзялення ДАІ Шаркаўшчынскага РАУС праводзяцца рэйдавыя мерапрыемствы па кантролю за выкананнем кіроўцамі і перавозчыкамі патрабаванняў да перавозкі сыпкіх грузаў. Правілы перавозкі аўтамабільных грузаў рэгламентаваны пастановай Савета Міністраў Рэспублікі Беларусь №970 ад 30.06.2008 г. «Аб зацвярджэнні Правілаў аўтамабільных перавозак грузаў». Асаблівую актуальнасць набывае напярэдадні ўборачнай кампаніі 2020 г. пры масавай перавозцы збожжавых культур. За прасыпанне перавозімага перавозчыкам сыпкага грузу прадугледжана адміністрацыйная адказнасць па арт. 18.35 КоАП Рэспублікі Беларусь у выглядзе штрафу ў памеры ад 2 да 5 базавых велічынь.

В. МIЛАСЭРДАЎ, начальнік аддзялення ДАІ Шаркаўшчынскага РАУС.