29.07.2021

Адзіны дзень бяспекі дарожнага руху «Набіраючы хуткасць - не спыні жыццё!»

30 ліпеня 2021 года на тэрыторыі Шаркаўшчынскага раёна праводзіцца адзіны дзень бяспекі дарожнага руху «Набіраючы хуткасць - не спыні жыцьцё!» (прафілактыка ДТЗ па прычыне парушэння хуткасных рэжымаў руху).

За 6 месяцаў 2021 года на тэрыторыі Віцебскай вобласці зарэгістравана 13 аварый, у якіх вадзіцелі перавысілі хуткасць. У іх загінулі 2 чалавекі, 19 атрымалі раненні. 2 кіроўцы знаходзілася ў стане алкагольнага ап'янення.

Адным з найважнейшых складнікаў кіравання аўтамабілем з'яўляецца выбар бяспечнай хуткасці руху. Агульнае правіла пры руху ў «закрытых» паваротах, праездзе скрыжаванняў з дрэнным аглядам і пры руху па вузкіх завулках такое: хуткасць павінна быць такой, каб тармазны шлях машыны быў менш адлегласці бачнасці. Асабліва прытрымлівацца рэкамендацыі трэба пры дрэнным надвор'і: густым тумане, снегападзе і дажджы, а таксама ў цёмны час сутак.

Супрацоўнікамі Дзяржаўтаінспекцыі Шаркаўшчынскага РАУС асаблівая ўвага звяртаецца на парушэнне хуткасных рэжымаў.

Паважаныя вадзіцелі! Нагадваем Вам, што:

Перавышэнне асобай, якая кіравала транспартным сродкам, усталяванай хуткасці руху ад дзесяці да дваццаці кіламетраў у гадзіну - цягне накладанне штрафу ў памеры да адной базавай велічыні.

Перавышэнне асобай, якая кіравала транспартным сродкам, усталяванай хуткасці руху ад дваццаці да трыццаці кіламетраў у гадзіну - цягне накладанне штрафу ў памеры ад адной да трох базавых велічынь.

Перавышэнне асобай, якая кіравала транспартным сродкам, усталяванай хуткасці руху ад трыццаці да сарака кіламетраў у гадзіну - цягне накладанне штрафу ў памеры ад трох да дзесяці базавых велічынь.

Перавышэнне асобай, якая кіравала транспартным сродкам, устаноўленай хуткасці руху на сорак і больш кіламетраў у гадзіну - цягне накладанне штрафу ў памеры ад васьмі да дванаццаці базавых велічынь.

Дзеянні, прадугледжаныя часткамі 2 — 4 сапраўднага артыкула, учыненыя паўторна на працягу аднаго года пасля накладання адміністрацыйнага спагнання за такія ж парушэнні, - цягнуць накладанне штрафу ў памеры ад пяці да пятнаццаці базавых велічынь або пазбаўленне права займацца пэўнай дзейнасцю тэрмінам да аднаго года.

Ваша жыццё - у Вашых руках!

І. Ганебны, старэйшы дзяржаўтаінспектар АДАІ Шаркаўшчынскага РАУС