14.08.2020

Адным з першых у раёне перавёз ад камбайнаў тысячу тон зерня вадзіцель ААТ «Ельня-Агра» Віктар Красько

На гэтым тыдні ААТ “Ельня-Агра” наведалі намеснік генеральнага дырэктара адкрытага акцыянернага таварыства “Полацкі малочны камбінат” Мікалай Муравейка і вядучы спецыяліст па ідэалагічнай рабоце дадзенай арганізацыі Таццяна Акімава.

Нагодай для прыезду стала ўзнагароджванне перадавога вадзіцеля сельгаспрадпрыемства Віктара Красько. Ён адным з першых у раёне перавёз ад камбайнаў тысячу тон зерня. Перадавому работніку ўручылі Падзячны ліст за подпісам генеральнага дырэктара ААТ “Полацкі малочны камбінат”, а таксама каштоўныя падарункі. Старшыня Шаркаўшчынскага райкама прафсаюза работнікаў АПК Таццяна Альшэўская ўручыла Віктару Красько грашовую прэмію, пажадала далейшых поспехаў у працы.

Сяргей РАЙЧОНАК.