24.02.2020

Адбылася сустрэча намесніка старшыні раённага выканаўчага камітэта Ю. А. Васілеўскага з працоўным калектывам установы «Рэдакцыя раённай газеты «Кліч Радзімы» і праграмы радыёвяшчання»

«Транспартны комплекс Рэспублікі Беларусь: стан і перспектывы развіцця» стаў тэмай сустрэчы намесніка старшыні райвыканкама Юрыя Анатольевіча Васілеўскага з працоўным калектывам установы «Рэдакцыя раённай газеты «Кліч Радзімы» і праграмы радыёвяшчання» у рамках адзінага дня інфармавання, які прайшоў на мінулым тыдні ў нашым раёне.

У ходзе гутаркі з працоўным калектывам рэдакцыі намеснік старшыні раённага выканаўчага камітэта, акрамя абмеркавання асноўнага пытання, таксама падрабязна спыніўся на пытаннях сацыяльна-эканамічнага развіцця раёна у 2019 годзе і планах да 2020. Ён адзначыў, што зроблена нямала, але многае яшчэ трэба будзе. Як і папярэднія два года, бягучы пройдзе пад знакам Года малой радзімы, асаблівая ўвага будзе надавацца добраўпарадкаванню і навядзенню парадку на зямлі. Шаркаўчане, як і ўся краіна, адзначаць 75-годдзе Перамогі ў Вялікай Айчыннай вайне, чаму будзе прысвечана шмат мерапрыемстваў. У гэтым годзе нас таксама чакае адказная кампанія - выбары Прэзідэнта Рэспублікі Беларусь, у якой мы прымем актыўны ўдзел.

Вольга Чарняўская.