26.02.2020

28 лютага 2020 года Дзяржаўтаінспекцыя правядзе адзіны дзень бяспекі дарожнага руху

28 лютага 2020 года Дзяржаўтаінспекцыя правядзе Адзіны дзень бяспекі дарожнага руху пад умоўнай назвай «Скажы абыякавасці не!», праводзiмыя мерапрыемствы будуць накіраваны на прафілактыку здарэнняў, удзельнікі якіх пакідаюць месца дарожна-транспартнага здарэння.

Супрацоўнікі Дзяржаўтаінспекцыі правядуць прафілактычныя гутаркі ў працоўных калектывах Шаркаўшчынскага раёна, наведаюць ўстановы адукацыі, растлумачаць парадак дзеянняў у выпадку здзяйснення дарожна-транспартнага здарэння, на вул. Энгельса г.п. Шаркаўшчына будзе праведзена прафілактычная акцыя, дзе ўсім удзельнікам будуць уручаны інфармацыйныя ўлёткі прафілактычнай накіраванасці.

Дзяржаўтаінспекцыя нагадвае, што за пакіданне кіроўцам месца дарожна-транспартнага здарэння, удзельнікам якога ён з'яўляецца ў адпаведнасці з ч. 2 арт. 18.17 КоАП Рэспублікі Беларусь прадугледжана адміністрацыйная адказнасць у выглядзе штрафу ў памеры ад пяці да дваццаці пяці базавых велічынь або пазбаўленне права кіравання транспартнымі сродкамі тэрмінам да двух гадоў.

У адпаведнасці з артыкулам 317 КК РБ - за ўчыненне ДТЗ прывёўшага да смерцi або прычынення цяжкіх цялесных пашкоджанняў прадугледжана адказнасць у выглядзе папраўчых работ на тэрмін да 2 гадоў, або абмежаванне волі на тэрмін да 5 гадоў.

Свядомае пакіданне ў небяспецы чалавека, згодна з часткай 3 артыкула 159 КК РБ караецца арыштам на тэрмін да 6 месяцаў або пазбаўленнем волі на тэрмін да 3 гадоў.

Самае галоўнае - не пакідаць месца ДТЗ, выклікаць хуткую і ДАІ. Па магчымасці знайсці сведак. Таксама, важна самому аказаць першую даўрачэбную дапамогу пацярпеламу. Выконваючы гэта, кіроўца ахавае сябе ад далейшых непрыемнасцяў.

І. ВАРОНА, старшы інспектар па АП АДАІ