24.03.2022

26 сакавіка 2022 г. пройдзе міжнародная экалагічная акцыя - «Гадзіна Зямлі»

26 сакавіка 2022 г. пад эгідай Сусветнага фонду дзікай прыроды (WWF) ва ўсім свеце ўжо 16-ы раз пройдзе самая масавая міжнародная экалагічная акцыя - «Гадзіна Зямлі».

Упершыню гэта мерапрыемства было праведзена ў аўстралійскім горадзе Сіднэі 31 сакавіка 2007 г. Ужо праз год акцыю падтрымала 35 дзяржаў і больш за 400 гарадоў. Рэспубліка Беларусь далучылася да мерапрыемства ў 2009 годзе.

Асноўная мэта акцыі – прыцягнуць увагу да наступстваў змены клімату, неабходнасці адказнага стаўлення да прыроды і рэсурсаў нашай планеты.

У дзень мерапрыемства у сотнях гарадоў свету ў 20:30 па мясцовым часе на гадзіну згаснуць вокны дамоў і грамадскіх будынкаў, знікне падсветка славутасцяў.

Эканомія энергіі не з'яўляецца галоўнай мэтай акцыі - важна адзінства, якое праяўляюць людзі перад тварам экалагічных праблем, гатоўнасць кожнага зрабіць свой уклад у дабрабыт планеты.

Міністэрства прыродных рэсурсаў і аховы навакольнага асяроддзя запрашае ўсіх жадаючых прыняць удзел у акцыі «Гадзіна Зямлі»:

26 сакавіка 2022 г. у 20:30 на гадзіну выключым святло разам!