17.12.2020

24 снежня 2020 года пройдзе «прамая тэлефонная лінія» і асабісты прыём

24 снежня 2020 года ў г.п.Шаркаўшчына (Шаркаўшчынскі раённы выканаўчы камітэт) з 11.00 да 13.00 будзе праводзіцца «прамая тэлефонная лінія» і асабісты прыём Лiзуком Аляксеем Мікалаевічам, начальнікам Наваполацкага міжраённага аддзела ўпраўлення Дэпартамента фінансавых расследаванняў Камітэта дзяржаўнага кантролю Рэспублікі Беларусь па Віцебскай вобласці, з жыхарамі рэгіёну.

У час размовы з А.М. Лiзуком вы можаце падзяліцца вядомымі вам фактамі парушэнняў у сферы прадпрымальніцтва і падаткаабкладання, некампетэнтнасці і бюракратызму з боку чыноўнікаў, абмеркаваць іншыя пытанні, якія ўваходзяць у кампетэнцыю органаў фінансавых расследаванняў.

Для размовы з А.М. Лiзуком вы можаце патэлефанаваць 24 снежня 2020 года з 11.00 да 12.00 па тэлефоне «прамой лініі» 4-30-65 і задаць цікавячае вас пытанне альбо пакінуць паведамленне.

Асабісты прыём будзе праводзіцца ў будынку Шаркаўшчынскага раённага выканаўчага камітэта (малая зала райвыканкама, 3-ці паверх, кабінет №61).