21.04.2021

20 красавіка на базе сярэдняй школы № 1 адбылася чарговая дыялогавая пляцоўка

20 красавіка на базе сярэдняй школы № 1 адбылася чарговая дыялогавая пляцоўка на тэму «Павышэнне адказнасці бацькоў за выхаванне дзяцей як адзін з фактараў выхавання гарманічнай асобы».

На мерапрыемства былі запрошаны старшыня раённага Савета дэпутатаў Уладзімір Шпец, начальнік аддзела па адукацыі райвыканкама Кацярына Мiхнёнак, начальнік аддзялення аховы правапарадку і прафілактыкі РАУС Іван Пачкоўскі, часова выконваючы абавязкі старэйшага інспектара інспекцыі па справах непаўналетніх РАУС Андрэй Курэц, прадстаўнік Маладзёжнай палаты СШ № 1 Дарына Аляхновіч, педагогі школы, бацькі навучэнцаў.
З прывітальным словам выступіў дырэктар школы Сяргей Ганебны, які адзначыў важнасць дадзенай тэмы, агучыў мэты і задачы мерапрыемства, распавёў павучальную прытчу пра тое, як бацькі ішлі на падставе ў дзяцей і што з гэтага выйшла. У сваім выступе Сяргей Рафаілавіч успомніў словы Прэзідэнта Аляксандра Лукашэнкi на нарадзе з актывам Мінскай вобласці аб тым, што адказнасць за выхаванне дзіцяці ляжыць не толькі на настаўніках, але і на бацьках: «Пакуль дарослыя высвятляюць, хто павінен ім займацца, - сям'я або школа, ён прадстаўлены сам сабе. У выніку дзяцей выхоўвае альбо вуліца, альбо інтэрнэт. А няўвага да іх занадта дорага нам абыходзіцца».

Яго дапоўнілі педагогі школы Алена Пiланц, Марына Хахалко і Таццяна Фядотава.

Дырэктар школы і выступаючыя педагогі сышліся ў тым, што школа, настаўнікі, класныя кіраўнікі могуць паспяхова выконваць свае функцыі па выхаванню падрастаючага пакалення толькі ў цесным супрацоўніцтве з сям'ёй, з бацькамі школьнікаў. Толькі агульнымі мэтанакіраванымі намаганнямі педагогаў і бацькоў атрымоўваецца плённа ўплываць на развіццё асобы дзіцяці, вырашаць выхаваўчыя задачы.

Пад час змястоўнай размовы былі закрануты многія актуальныя праблемы моладзі.

Алена Ананіч