16.04.2021

16 красавіка праводзіцца комплекс прафілактычных мерапрыемстваў «Хай дарога будзе добрай»

16 красавіка Дзяржаўтаінспекцыя Віцебскай вобласці праводзіць комплекс прафілактычных мерапрыемстваў «Хай дарога будзе добрай». У цэнтры ўвагі супрацоўнікаў ДАІ будуць нецвярозыя вадзіцелі і пешаходы, а галоўнай мэтай акцыі стане прафілактыка ДТЗ з іх удзелам.

З 1 сакавіка бягучага года стала больш жорсткай адказнасць для тых, хто дазваляе сабе сесці за руль у нецвярозым стане. Так, у выпадку ап'янення да 0,8 праміле ўключна кіроўцу пагражае штраф у памеры 100 базавых велічынь з пазбаўленнем права займацца пэўнай дзейнасцю тэрмінам на 3 гады.

У выпадку ап'янення звыш 0,8 праміле штраф ужо будзе складаць 200 базавых велічынь з пазбаўленнем права займацца пэўнай дзейнасцю тэрмінам на 5 гадоў.

Дзяржаўтаінспекцыя заклікае жыхароў Віцебскай вобласці не заставацца абыякавымі. Калі вы бачыце ці ведаеце, што транспартным сродкам кіруе кіроўца ў стане ап'янення, паведаміце аб гэтым па тэлефоне 102.

У. Міласэрдаў, начальнік аддзялення ДАІ РАУС.