14.05.2021

12 мая ў Міжнародны дзень медыцынскай сястры ўзнагароджаны лепшыя прадстаўніцы гэтай прафесіі ў Шаркаўшчынскай ЦРБ

Штогод 12 мая адзначаецца Міжнародны дзень медыцынскай сястры. Гэта добрая нагода падзякаваць жанчынам гэтай гуманнай прафесіі за іх працу і дабрыню.

Складана сабе ўявіць нашу медыцыну без медсястры. Гэта адна з самых гуманных прафесій нашага часу. Менавіта яны выконваюць усе прызначэннi лекара, іх сыход за хворым і неабыякавае слова граюць немалаважную ролю для яго выздараўлення. Па дадзеных статыстыкі, на плечы медсясцёр кладзецца каля 80 адсоткаў усяго догляду хворых. Сёння прафесія медсястры стабільна ўваходзіць у тройку самых паважаных.

Штогод у Шаркаўшчынскай ЦРБ ушаноўваюць медсясцёр. Не стаў выключэннем і гэты год. Шчырыя словы ўдзячнасці прагучалі ад галоўнага лекара райбальніцы Станіслава Стомы. Ён адзначыў, што ўдзячны ўсім, хто з годнасцю прыняў выклік і быў на перадавой барацьбы з COVID-19. Было няпроста, хвалююча, але гэтую праверку на трываласць вытрымалі разам.

Не абышлося без заслужаных узнагарод. Граматай установы аховы здароўя «Шаркоўшчынская цэнтральная раённая бальніца» ўзнагароджаны медыцынская сястра працэдурная Наталля Толкач, медыцынская сястра хірургічнага аддзялення Марыя Тарчынская, медыцынская сястра анкалагічнага кабінета Лія Паленая, медыцынская сястра тэрапеўтычнага аддзялення Людміла Савіч, медыцынская сястра Лужкоўскай бальніцы сястрынскага сыходу Жанна Мядзелец.

Алена Ананіч.