Ратавальнікі Арцём Дзіканаў і Арцём Ношчанка пры падтрымцы Віцебскага абласнога ўпраўлення МНС прадставяць сёння ў абласным краязнаўчым музеі фотавыстаўку No fear, паведамілі БЕЛТА ва ўстанове культуры.

У экспазіцыі 20 работ, на якіх аўтары вырашылі паказаць працу ратавальнікаў, якія нясуць службу, іх баявыя будні. Праект No fear - калекцыя фота ратавальнікаў, якія працуюць у пажарным аварыйна-выратавальным атрадзе "Віцязь" у Віцебску.

"Людзі, гатовыя рызыкнуць жыццём дзеля іншага чалавека, ёсць не толькі ў кіно, але і ў рэальным жыцці. Яны не носяць яркіх плашчоў, не гавораць пафасных слоў. Яны проста добрасумленна выконваюць свае службовыя абавязкі", - адзначылі ў музеі.

Выстаўка прадоўжыцца па 18 жніўня.

Пажарны аварыйна-выратавальны атрад "Віцязь" служыць прыкладам доблесці і прафесіяналізму. За год дзяжурныя змены атрада па трывозе выязджаюць каля 2 тыс. разоў, штогод работнікі атрада ратуюць жыцці больш як 100 чалавек.

НАВIНЫ БЕЛАРУСI