Акцыі ААТ "Тэхналіт Полацк" будуць перададзены ва ўласнасць дзяржавы. Гэта прадугледжана пастановай Савета Міністраў ад 25 верасня 2020 года №554, якая афіцыйна апублікавана на Нацыянальным прававым інтэрнэт-партале, паведамляе БЕЛТА.

ААТ "Кіруючая кампанія холдынгу "Бабруйскаграмаш" бязвыплатна перадасць да канца года ва ўласнасць Рэспублікі Беларусь больш за 2,478 млн акцый "Тэхналіт Полацк" на агульную суму больш за Br2,6 млн.

Міністэрству прамысловасці даручана прыняць меры па рэалізацыі пастановы.