09.02.2026

Да ўвагі індывідуальных прадпрымальнікаў!

Законам Рэспублікі Беларусь ад 12 ліпеня 2025 г. № 90-З "Аб змяненні законаў па пытаннях дзяржаўнага сацыяльнага страхавання і пенсійнага забеспячэння" зменены парадак выплаты абавязковых страхавых узносаў у бюджэт дзяржаўнага пазабюджэтнага фонду сацыяльнай абароны насельніцтва Рэспублікі Беларусь (бюджэт фонду) для індывідуальных прадпрымальнікаў.

Падаўжаюцца тэрміны выплаты страхавых узносаў у бюджэт фонду, тэрмін пераносіцца на 31 сакавіка года, наступнага за справаздачным.

Выключаны абавязак па вядзенні персаніфікаванага ўліку (прадстаўленне індывідуальным прадпрымальнікам справаздачы па форме ПУ-3).

Для ўсіх ІП будзе прымяняцца прапарцыйны падыход да разліку ўзносаў у выпадку наяўнасці ў справаздачным годзе льготных перыядаў, а таксама няпоўнага каляндарнага года рэгістрацыі ў якасці індывідуальнага прадпрымальніка.

Для ІП, плацельшчыкаў адзінага падатку, абавязковыя страхавыя ўзносы выплачваюцца за перыяды выплаты адзінага падатку, у памеры 35% з сумы МЗП у месяц ці іншай сумы, якая перавышае дадзены парог.

Для ІП, плацельшчыкаў падаходнага падатку, устаноўлена дыферэнцыраваная формула выплаты ўзносаў у ФСАН у памеры 35%:

- з фактычнага даходу - для ІП, у якіх у каляндарным годзе даход склаў менш за 12 мінімальных заробкаў (МЗП) снежня справаздачнага года;

- з 12 МЗП - для ІП, у якіх даход за каляндарных год склаў 12 МЗП снежня справаздачнага года і больш.

Пад прыбыткам разумеецца падатковая база падаходнага падатку з фізічных асоб, вызначаная пасля выключэння расходаў у адпаведнасці з артыкулам 205 Падатковага кодэкса Рэспублікі Беларусь.

Прыклад 1. Памер даходу ў ІП за 2025 год склаў 5 500 рублёў. Сума ўзносаў да выплаты складзе 1 925,00 рублёў (5 500,00*35%), бо памер даходу меншы, чым 12 МЗП снежня 2025 года (752,52*12=9 030,24).

Прыклад 2. Памер даходу ў ІП за 2025 год склаў 10 000 рублёў. Сума ўзносаў да выплаты складзе 3 077,05 рублёў (8 791,56*35%), бо памер даходу перавышае памер 12 МЗП снежня 2025 года.

Індывідуальным прадпрымальнікам прадастаўлена права выплаціць узносы з большага памеру.

Рэквізіты для аплаты:

рахунак № BY89AKBB36029420100020000000 УНП бенефіцыяра 300594330, Галоўнае ўпраўленне Міністэрства фінансаў Рэспублікі Беларусь па Віцебскай вобласці; УНП фактычнага бенефіцыяра 304260000, фактычны бенефіцыяр - Шаркаўшчынскі раённы сектар Віцебскага абласнога ўпраўлення ФСАН, код плацяжу 03512 – абавязковыя ўзносы.

Аплату можна праводзіць праз:

* Інфакіёск;

* Інтэрнэт-банкінг;

* Мабільны банкінг;

* Банкамат;

* Прылады прыёму наяўных;

* Выкарыстанне плацежна-даведачных тэрміналаў.

З выкарыстаннем ААТ "Нябанкаўская крэдытна-фінансавая арганізацыя" адзіная разліковая і інфармацыйная прастора" (далей – АРІП) шляхам здзяйснення паслядоўных дзеянняў:

Крок 1. Выбраць пункт "Сістэма "Разлік" (АРІП);

Крок 2. Выбіраем укладку "ФСАН", выбіраем "Віцебская вобласць", далей "Шаркаўшчынскі раённы сектар ФСАН";

Крок 3. Выбіраем вiд плацяжу "Узносы ў ФСАН фіз. асоб за сябе" код плацяжу ў бюджэт павінен быць "03512";

Крок 4. Увесці ўліковы нумар плацельшчыка ФСАН (можна ўдакладніць у органе фонду) (Увага! Не УНП!);

Крок 5. Увесці суму плацяжу;

Крок 6. Праверыць правільнасць уведзеных дадзеных;

Крок 7. Пацвердзіць здзяйсненне плацяжу.

За больш падрабязнай інфармацыяй можна звярнуцца ў Шаркаўшчынскі раённы сектар ФСАН па адрасе: вул. Камсамольская, д.15 каб. 11,13, а гэтак жа па тэл. 61258, 64067.

Загадзя дзякуем за своечасовую выплату абавязковых плацяжоў.

Начальнік Шаркаўшчынскага раённага сектара Н.Р. Дзюшко