31.07.2025

Аб арганізацыі гандлю таварамі школьнага асартыменту

У адпаведнасці з распараджэннем старшыні Шаркаўшчынскага раённага выканаўчага камітэта ад 30 ліпеня 2025 года № 123р "Аб арганізацыі гандлю таварамі школьнага асартыменту" суб'ектам рознічнага гандлю ўсіх форм уласнасці неабходна забяспечыць з 1 жніўня па 1 кастрычніка 2025 г. пашыраны продаж тавараў школьнага асартыменту з правядзеннем выстаў-продажаў, распродажаў, акцый са зніжэннем цаны.

16 жніўня на рынку г.п. Шаркаўшчына (вул. Краснадворская, 1а) адбудзецца школьны кірмаш з удзелам гандлёвых арганізацый ААТ "Світанак", ААТ "Палессе", суб'ектаў рознічнага гандлю прыватнай формы ўласнасці, якія прадставяць пашыраны асартымент тавараў для школьнікаў: касцюмы, камізэлькі, штаны, спадніцы, джэмперы, штаны і фуфайкі спартыўныя, касцюмы спартыўныя, блузы, а таксама бялізнавы трыкатаж.

У цяперашні час купіць тавары школьнага асартыменту можна ў суб'ектаў малога прадпрымальніцтва на рынку ў Шаркаўшчыне, а таксама ў крамах "Мода Люкс" ТАА "Імпэр Трэйд" (адзенне дзелавога стылю, спартыўны абутак і адзенне, скургалантарэйныя вырабы), "Verally" ІП Жыхарэвіч М.I. (трыкатажнае адзенне), "Пуся" ІП Ігнатовіч У. С. (адзенне дзелавога стылю, скургалантарэйныя тавары), "Карапуз" ІП Барыла А.У. (адзенне дзелавога стылю, абутак), "Лотас" ІП Шыман А. А., "Аэліта" ПГУП "Меркурый-гандаль", "Тры кошты" ТАА "Плэй хард", крама ТАА "Фікс Прайс Захад" (школьна-пісьмовыя і канцылярскія прыналежнасці).