19.11.2025

Аб арганізацыі пераднавагодняга гандлю

Распараджэннем cтаршыні Шаркаўшчынскага райвыканкама ад 14 лістапада 2025 г. № 203 р "Аб арганізацыі пераднавагодняга гандлю" суб'екты гандлю, грамадскага харчавання, бытавога абслугоўвання насельніцтва незалежна ад формы ўласнасці павінны забяспечыць да 1 снежня 2025 г. навагодняе афармленне вітрын аб'ектаў гандлю, грамадскага харчавання, бытавога абслугоўвання, гандлёвых і абедзенных залаў, прылеглых фасадаў будынкаў з выкарыстаннем святочных тэматычных інсталяцый, правядзенне рэкламных акцый з прадастаўленнем скідак на тавары і паслугі, святочных распродажаў, дэгустацый, рэкламных, іншых мерапрыемстваў.

З 20 снежня 2025 г. па 8 студзеня 2026 г. на тэрыторыі рынку УП "Полацкая ўніверсальная база" ў г. п. Шаркаўшчына па суботах будуць праходзіць святочныя кірмашы па продажы харчовых і нехарчовых тавараў з удзелам арганізацый прамысловасці, гандлю і грамадскага харчавання. З боку адпаведных службаў будзе забяспечаны кантроль за ўзроўнем цэн на тавары ў пераднавагоднія, навагоднія і калядныя дні, недапушчэннем неабгрунтаванага іх росту, за выкананнем удзельнікамі кірмашовых мерапрыемстваў заканадаўства ў сферы гандлю і грамадскага харчавання, прафілактычных і санітарна-супрацьэпідэміялагічных патрабаванняў.

Таксама вызначаны пералік месцаў па продажы навагодніх дрэў на тэрыторыі Шаркаўшчынскага раёна:

№ п/п	Населены пункт	Месца продажу
1.	гарадскі пасёлак Шаркаўшчына	пляцоўка па вуліцы Вакзальная ўздоўж чыгуначных шляхоў
2.	аграгарадок Лужкі Лужкоўскага сельскага выканаўчага камітэта	тэрыторыя каля будынка Лужкоўскага лясніцтва
3.	аграгарадок Германавічы Германавіцкага сельскага выканаўчага камітэта	тэрыторыя каля будынка Германавіцкага лясніцтва
4.	аграгарадок Верацеі Лужкоўскага сельскага выканаўчага камітэта	тэрыторыя каля былога магазіна спажывецкай кааперацыі
5.	аграгарадок Дворнава Лужкоўскага сельскага выканаўчага камітэта	тэрыторыя каля сельскага дома культуры
6.	вёска Зорка Германавіцкага сельскага выканаўчага камітэта	тэрыторыя каля крамы гандлёвага ўнітарнага прадпрыемства "ГлыбокаеПтушкГандаль"
7.	вёска Сталіца Германавіцкага сельскага выканаўчага камітэта	тэрыторыя каля крамы гандлёвага ўнітарнага прадпрыемства "ГлыбокаеПтушкГандаль"
8.	аграгарадок Вялікае Сяло Германавіцкага сельскага выканаўчага камітэта	тэрыторыя каля крамы гандлёвага ўнітарнага прадпрыемства "ГлыбокаеПтушкГандаль"
9.	аграгарадок Більдзюгі Більдзюгскага сельскага выканаўчага камітэта	тэрыторыя каля будынка сельскага выканаўчага камітэта
10.	аграгарадок Іёды Іёдскага сельскага выканаўчага камітэта	тэрыторыя каля будынка Іёдскага лясніцтва
11.	аграгарадок Радзюкі Радзюкоўскага сельскага выканаўчага камітэта	тэрыторыя каля магазіна спажывецкай кааперацыі

Насельніцтва раёна будзе шырока інфармавацца праз сродкі масавай інфармацыі аб месцах і часе правядзення мерапрыемстваў.